.
兩年前去過香港電台做過一個關於旅行同埋音樂嘅訪問，我仲好記得我嗰一次好緊張，然後我買咗支細嘅白酒，倒入自己個水樽，一路喺錄音室等，一路飲，希望可以輕鬆啲唔使咁緊張。
.
兩年之後有幸收到香港電台嘅邀請，第一次參與現場直播嘅節目日常8點半，分享過去兩次去印度嘅經歷。同樣地緊張，唯一嘅分別就係冇偷偷地飲酒。
.
關於第一次去Varanasi嘅經歷，其實喺以前嘅分享會同埋書入邊都有講過。係今次嘅準備，再次睇返以前寫過嘅文字，我好慶幸我曾經用文字記錄過當刻嘅心情，過咗一段日子睇返，呢啲文字係一個提醒。
.
兩年前第二次去印度，到訪「粉紅之城」Jaipur 同埋「藍色之城」Jodphur，當中其實有好多有趣嘅經歷，例如好似訪問提到睇戲嘅經歷，但係因為種種原因，未有機會好認真咁樣同大家分享。所以好開心可以係呢個節目，分享呢一啲故事同埋經歷。
.
喺呢度好想多謝為香港電台默默付出嘅員工，雖然只係15分鐘嘅訪談，但係喺過去呢兩個禮拜入面，我哋講過3個差唔多成個鐘嘅電話，不停整理我分享過嘅內容，為嘅就係可以盡力呈現最好嘅一面比觀眾知道。亦都非常感謝非常有經驗嘅主持 @karen_n_twins 同埋 @vinceng88 ，令我可以輕輕鬆鬆咁樣分享更多嘅故事。
.
#香港電台 #日常8點半 #講乜港乜 #新成就解鎖
Search